Plantun de Prouvènço

Pèr coumpara dos planto d'encò nostre

Cerastium cerastoides & Cerastium fontanum

Cerastium cerastoides

Caryophyllaceae

Noms en français : Céraiste à trois styles, Céraiste faux céraiste.

Descripcioun :
Aquéu ceraiste trachis dins li pelouso e li coumbo à nèu d'auto mountagno. Es uno planto pas bèn grando que rebalo au sòu. A tres estile (fotò), e acò lou destrìo eisadamen dóu ceraiste-dre qu'éu n'a 5. Souventi-fes a quàsi ges de péu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Cerastium
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 10 à 15 mm
Flourido : Printèms - Estiéu

Sòu : Si
Autour basso e auto : 1800 à 2300 m
Aparado : Noun
Jun à setèmbre

Liò : Pelouso - Coumbo à nèu
Estànci : Subaupen à Aupen
Couroulougi : Artico-Aupenco
Ref. sc. : Cerastium cerastoides (L.) Britton, 1894 (= Cerastium trigynum Vill. )

Ceraiste(-di-font)

Cerastium fontanum

Caryophyllaceae

Nom en français : Céraiste des fontaines.

Descripcioun :
Es uno planto pelouso emé de long entre-nous. Li fueio soun bèn verdo, pulèu larjo e pelouso peréu. Pòu viéure uno annado, dos o mai. Li petalo soun gaire mai long que li sepalo, aquésti soun bourda d'uno membrano que laisso passa lou lume. Coumpara emé lis àutri ceraiste pelous pèr pas s'engana. I'a uno souleto subsp. encò nostre : la subsp. vulgare.

Usanço :
Li jóuini fueio soun manjadisso, mai couneissèn pas d'usanço particuliero au nostre. Lis indian Chirokee emplegavon uno tisano de tijo e racino contro li vèrme.